LOKASYON NG ASYA

 

LOKASYON NG ASYA

 

                                                 

Sa pagtatakda ng lokasyon ng isang lugar sa globo, mahalagang mabatid muna ang ilang mga konseptong may kaugnayan dito.

Ang longitude ay ang distansyang angular na natutukoy sa silangan at kanluran ng Prime Meridian.Ito rin ay malalaking bilog o great circles na tumatahak mula sa North Pole patungong South Pole.

Ang Prime Meridian na nasa Greenwich sa England ay itinatalaga bilang zero degree longitude.

Ang latitude ay ang distansyang angular na natutukoy mula sa hilaga o timog ng equator o ekwador.

Ang equator ay humahati sa globo sa hilaga at timog na hemisphere o hemispero. Ito rin ay tinatakda bilang zero degree latitude.

Ang Tropic of Cancer ay isang linyang imaginary na tumutunton sa hilagang hangganan ng Tropical Zone. Ang Tropic of Cancer ay matatagpuan 23.5 degree hilaga ng equator.

Ang Tropic of Capricorn ay isang linyang imaginary na tumutunton sa timog na  hangganan ng Tropical Zone. Ang Tropic of Cancer  ay matatagpuan 23.5 degree timog ng equator.

 

   

Batay sa tradisyon, ang hangganan mg Asya sa Hilaga ay mula sa paanan ng Ural Mountains, ang tradisyunal na hangganan ng Europa at Asya, sa baybay-dagat ng Kara Sea hanggang sa Bering Staits; mula sa Bering Straits tutungo patimog hanggang sa Pacific Ocean, madadaanan ang kapuluan ng Japan, Taiwan, hanggang sa hilaga ng Pilipinas; mula sa hilaga ng pilipinas tutungo sa Timor Sea; mula rito ay pakanluran tungo sa Indian Ocean at Arabian Sea, babagtasin ang Red Sea patungo sa hilaga hanggang sa Mediterranean Sea; dadaanan ang baybayin ng Asia Minor sa bandang Aegean Sea, dadaanan ang Caucasus Mountains tungo sa Caspian Sea; at mula sa Caspian Sea tungo sa Ural River pabalik sa Ural Mountains.