MGA REHIYON SA ASYA

MGA REHIYON SA ASYA

 

Ang mga Rehiyon sa Asya at tinatawag na heograpikal at kultural na mga sona. Isinasaalang-alang sa paghahati ang mga salik na nabanggit: pisikal, historical at kultural. Batay sa mga salik na ito , nahahati sa limang Rehiyon ang Asya: Hilaga, Kanluran, Timog, Timog Silangan at Silangang Asya.

Ang Hilagang Asya ay binubuo ng mga bansang dating SOVIET CENTRAL ASIA– Kazakhstan, Kyrgyzstan,Tajikistan,Turkmenistan. At and Uzbekistan. Kilala rin ang Rehiyong ito sa katawagang CENTRAL ASIA (Gitnang Asya) at INNER ASIA.

Ang Kanlurang Asya ang Rehiyong pinagtatagpuan ng hangganan ng tatlong mahalagang kontinente sa daigdig- ang Africa, Asya at Europe.Ito ay binubuo ng mga bansang Arabo tulad ng Saudi Arabia, Lebanon, Jordan, Syria, Iraq at Kuwait. Kasama rin sa rehiyong ito ang tinatawag naman na GULF STATES ng Yemen, Oman, United Arab Emerates, Qatar at Bahrain, Kasama rin sa Kanlurang Asya ang Iran, Israel, Cyprus, Turkey, Georgia, Armenia at Azerbaijan.

Ang Timog Asya ay binubuo ng mga tinatawag na bansang Muslim ng Afghanistan, Pakistan, at Bangladesh, mga bansang Himalayan ng Nepal at Bhutan at mga bansang pangkapuluan ng Sri Lanka at Maldives. At ang pinakamalaking bansa sa rehiyon sa usapin ng sukat ng teritoryo at pupolasyon, ang India.Kadalasang tinatawag ang Timog Asya na Land Of Mysticism dahil sa mga paniniwalang taglay ng mga pilosopiya at relihiyong umusbong dito gaya ng Hinduism, Buddhism, Jainism at Sikhism.

Ang Timog Silangang Asya naman na nakilala bilang FARTHER INDIA at LITTLE CHINA dahil sa impluwensya ng mga nasabing kabihasnan sa kultura ng nasabing rehiyon. Nahahati ito sa dalawang Subregion:

 Ang pangkontinenteng Timog Silangang Asya o Mainland Southeast Asia binubuo ng Myanmar, Thailand, Vietnam, Laos at Cambodia.

Ang pangkapuluang Timog Silangang Asya o Insular Southeast Asia ay binubuo ng Pilipinas, Indonesia, Malaysia, Brunei, Singapore at East Timor.

Ang Silangang Asya ay binubuo ng China, Japan, North Korea, South Korea, Taiwan at Mongolia.Sa rehiyong ito umusbong ang Confucianism, Taoism at Shinto.